184. O Sanctissima, O piissima
O Sanctissima, O piissima,
Dulcis Virgo Maria!
Mater amata, Intemerata,
Ora, Ora pro nobis.
Tu solatium, Et refugium,
Virgo Mater Maria!
Quidquid optamus, Per te speramus;
Ora, Ora pro nobis.
Ecce debiles, Perquam flebiles,
Salve nos, Maria!
Tolle languores, Sana dolores,
Ora, Ora pro nobis.
Virgo respice, Mater, aspice,
Audi nos, Maria!
Tu medicinam, Portas divinam;
Ora, Ora pro nobis.